ఆస్తులను తాకట్టుపెట్టి మరీ విద్యాసంస్థలను నడుపుతున్నాం: మోహన్ బాబు

ఆస్తులను బ్యాంకుల్లో తాకట్టు పెట్టి మరీ విద్యాసంస్థలను నడిపించాల్సి వస్తోందని నటుడు మోహన్ బాబు ఆవేదన వ్యక్తం చేశారు. శ్రీ విద్యానికేతన్ పేరిట మోహన్ బాబు విద్యాసంస్థలను నడుపుతోన్న సంగతి తెలిసిందే. మంగళవారం చిత్తూరు జిల్లా చంద్రగిరిలో నిర్వహించిన ఓ కార్యక్రమంలో మాట్లాడుతూ ఆయన ఈ విషయాన్ని వెల్లడించారు. విద్యార్థులకు ఫీజు రీయింబర్స్‌‌మెంట్‌‌ను విడుదల చేయడంలో సర్కారు తీవ్ర జాప్యం చేస్తోందని ఆయన ఆరోపించారు.

గత రెండేళ్లలో సర్కారు నుంచి రూ.20 కోట్లు రావాల్సి ఉందని మోహన్ బాబు తెలిపారు. బకాయిలు చెల్లించకపోవడంతో విద్యాసంస్థల నిర్వహణలో తీవ్ర ఇబ్బందులు పడుతున్నామన్నారు. ‘కాలేజీ నిర్వహణ కోసం నెలకు రూ.6 కోట్లు ఖర్చు అవుతోంది. ప్రభుత్వం బకాయిలు చెల్లించకపోయినా, సిబ్బందికి సకాలంలో వేతనాలు అందిస్తున్నాం’ అని మోహన్ బాబు తెలిపారు.

మోహన్ బాబు కుటుంబం గత 26 ఏళ్లుగా శ్రీవిద్యా నికేతన్ ద్వారా కుల మతాలకు అతీతంగా ఎందరో పేద విద్యార్థులకు నాణ్యమైన విద్యను అందిస్తోంది. కాగా, ఎన్నికల ముంగిట మోహన్ బాబు… టీడీపీ సర్కారుపై విమర్శలు చేయడం ఆసక్తి రేపుతోంది.

2,484 total views, 63 views today