భారత్‌తో తొలివన్డేకి ఆసీస్ టీమ్ ప్రకటన..!

భారత్‌తో సిడ్నీ వేదికగా శనివారం ఉదయం ప్రారంభంకానున్న తొలి వన్డే కోసం ఆస్ట్రేలియా తుది జట్టుని ఈరోజు క్రికెట్ ఆస్ట్రేలియా (సీఏ) ప్రకటించింది. దాదాపు ఎనిమిదేళ్ల తర్వాత ఫాస్ట్ బౌలర్ పీటర్ సిడిల్ మళ్లీ ఆస్ట్రేలియా జట్టులో చోటు దక్కించుకోగా.. కెప్టెన్ అరోన్ ఫించ్‌తో కలిసి అలెక్స్ క్యారీ ఓపెనర్‌గా బరిలోకి దిగనున్నాడు. ఇక ఇటీవల భారత్‌తో టెస్టు సిరీస్‌లో నిరాశపరిచినప్పటికీ ఉస్మాన్ ఖవాజా, షాన్ మార్ష్‌లు మిడిలార్డర్‌లో చోటు నిలబెట్టుకున్నారు.

ఈ ఏడాది మే చివరి వారంలో ప్రపంచకప్ జరగనుండటంతో.. భారత్‌తో వన్డే సిరీస్‌లో సీనియర్, జూనియర్ క్రికెటర్లకి అవకాశాలివ్వాలని క్రికెట్ ఆస్ట్రేలియా యోచిస్తోంది. ఇందులో భాగంగానే పీటర్ హ్యాండ్స్‌కబ్‌తో పాటు గ్లెన్ మాక్స్‌వెల్, స్టాయినిస్‌ని కూడా జట్టులోకి తీసుకుంది. ఇక టెస్టు స్పెషలిస్ట్ స్పిన్నర్ నాథన్ లయన్‌కి అనూహ్యంగా అవకాశమిచ్చిన ఆస్ట్రేలియా.. రిచర్డ్ సన్, బెరెండ్రాఫ్‌తో బౌలింగ్ విభాగాన్ని బలోపేతం చేసింది.

ఆస్ట్రేలియా జట్టు: అరోన్ ఫించ్ (కెప్టెన్), అలెక్స్ క్యారీ (వికెట్ కీపర్), ఉస్మాన్ ఖవాజా, షాన్ మార్ష్, పీటర్ హ్యాండ్స్‌కబ్, మార్కస్ స్టాయినిస్, గ్లెన్ మాక్స్‌వెల్, బెరెండ్రాఫ్, పీటర్ సిడిల్, నాథన్ లయన్, రిచర్డ్‌సన్

25 total views, 1 views today