ప్రపంచకప్‌ జట్టుపై క్లారిటీ.. రోహిత్

ఇంగ్లాండ్ వేదికగా ఈ ఏడాది జరగనున్న వన్డే ప్రపంచకప్‌‌లో ఆడనున్న జట్టుపై ఇప్పటికే స్పష్టత వచ్చేసిందని భారత ఓపెనర్ రోహిత్ శర్మ వెల్లడించాడు. ఆస్ట్రేలియాతో శనివారం నుంచి మూడు వన్డేల సిరీస్‌ మొదలుకానుండగా.. ఈరోజు మీడియాతో వైస్ కెప్టెన్‌ హోదాలో రోహిత్ శర్మ మాట్లాడాడు.

మే చివరి వారంలో ప్రపంచకప్ ఆరంభంకానుండగా.. అప్పటిలోపు భారత్ జట్టు ఆస్ట్రేలియా‌తో మూడు వన్డేలు, న్యూజిలాండ్‌తో ఐదు వన్డేలు, మూడు టీ20లు, మళ్లీ ఫిబ్రవరి 24 నుంచి మార్చి 13 వరకూ భారత్ గడ్డపై రెండు టీ20లు, ఐదు వన్డేలను ఆడనుంది. ఈ నేపథ్యంలో వరల్డ్‌కప్ జట్టుపై పూర్తి స్థాయిలో స్పష్టత వచ్చేస్తుందన్న రోహిత్.. పేలవ ఫామ్‌ కారణంగా ఆటగాళ్లు చోటు కోల్పోయే ప్రమాదం లేకపోలేదని హెచ్చరించాడు
‘ప్రపంచ‌కప్‌లోపు భారత్ జట్టు 13 వన్డేలు ఆడనుంది. ఈ మ్యాచ్‌ల్లో ఆడే జట్టే కొంచెం అటూ ఇటుగా వరల్డ్‌కప్‌లో ఆడే అవకాశం ఉంటుంది. గత ఏడాదికాలంగా భారత్ జట్టు చాలా మ్యాచ్‌లు ఆడింది. కాబట్టి.. గాయాల బెడద మామూలే. అయితే.. జట్టులో ఊహించని మార్పులు అయితే చోటు చేసుకోకపోవచ్చు. కానీ.. పేలవ ఫామ్‌తో జట్టులో స్థానం కోల్పోయే ప్రమాదమూ ఆటగాళ్లకి లేకపోలేదు’ అని రోహిత్ శర్మ వెల్లడించాడు.

26 total views, 1 views today