IPL 2019కు ఆసీస్ ఆటగాళ్లు దూరం

ఐపీఎల్ 2019 సీజన్లో ఆసీస్ ఆటగాళ్ల మెరుపులు దూరం కానున్నాయా..? వచ్చే సీజన్లో ఐపీఎల్‌కు దూరంగా ఉండాలని ఆరోన్ ఫించ్, గ్లెన్ మ్యాక్స్‌వెల్ నిర్ణయించుకున్నారు. వేలం ప్రక్రియలో తమ పేరు నమోదు చేసుకోలేదు. వీరి బాటలోనే బౌలర్లు మిచెల్ స్టార్క్, ప్యాట్ కమిన్స్ కూడా చేరారు. డిసెంబర్ 18న జైపూర్ వేదికగా నిర్వహించనున్న ఐపీఎల్ వేలం కోసం వీరిద్దరూ పేరు నమోదు చేసుకోలేదని ముంబై మిర్రర్ కథనాన్ని ప్రచురించింది.

ఐపీఎల్ ముగిశాక 15 రోజుల్లోనే ప్రపంచ కప్ ప్రారంభం అవుతోన్న నేపథ్యంలో ఆసీస్ క్రికెటర్లు ఐపీఎల్‌కు దూరంగా ఉండాలని నిర్ణయం తీసుకున్నట్టు తెలుస్తోంది. ఆ తర్వాత యాషెస్ సిరీస్ కూడా ఉండటం కూడా ఆసీస్ ఆటగాళ్ల నిర్ణయానికి కారణమైంది.

స్టార్క్‌ను రిలీజ్ చేస్తున్నట్టు కోల్‌కతా నైట్‌రైడర్స్ ప్రకటించింది. వచ్చే సీజన్‌కు అతడు అందుబాటులో ఉంటాడో లేదో అనే అనుమానంతో కోల్‌కతా ఈ నిర్ణయం తీసుకుంది. దీంతో వచ్చే ఐపీఎల్ సీజన్‌కు దూరం అవుతున్నట్టు స్టార్క్ తెలిపాడు.

బాల్ ట్యాంపరింగ్ వివాదం కారణంగా వార్నర్, స్మిత్ గత సీజన్లో ఐపీఎల్‌కు దూరమయ్యారు. వచ్చే సీజన్లోనూ వీరిద్దరూ ఐపీఎల్ ఆడటం అనుమానంగానే ఉంది.

23 total views, 1 views today