అమెరికాలో భారతీయ విద్యార్థులు 2.49 లక్షలు

అమెరికాలో భారతీయ విద్యార్థుల సంఖ్య పెరుగుతూనే ఉంది. 2017 ఏడాదికి సంబంధించి.. అమెరికా ఇమ్మిగ్రేషన్‌ అండ్‌ కస్టమ్స్‌ ఎన్‌ఫోర్స్‌మెంట్‌ (యూఎస్‌ఐసీఈ) నివేదిక ప్రకారం.. అమెరికా వర్సిటీల్లో చదువున్న భారతీయ విద్యార్థుల సంఖ్య 2.49 లక్షలుగా తేలింది. ఈ నివేదిక జాబితా ప్రకారం 4.81 లక్షల మంది విద్యార్థులతో చైనా విద్యార్థులు అగ్రస్థానంలో కొనసాగుతున్నారు.

అమెరికాలో మొత్తం 15 లక్షల వరకూ విదేశీ విద్యార్థులు ఉండగా.. భారత్, చైనా దేశాలకు చెందిన విద్యార్థుల వాటనే సగానికి ఉండటం విశేషం. అయితే అమెరికాలో భారతీయ విద్యార్థుల సంఖ్య తగ్గకున్నా, పెరుగుదల శాతంలో మాత్రం మూడేళ్ల కిందట ఉన్న వృద్ధి ఇప్పుడు లేదని నిపుణులు అభిప్రాయపడుతున్నారు. ఇదిలా ఉండగా.. శాస్త్ర, సాంకేతికత, ఇంజినీరింగ్‌, గణితం (స్టెమ్‌) కోర్సులకు సంబంధించి వృత్తివిద్య శిక్షణలో 50,507 మంది విద్యార్థులతో భారత్‌ అగ్రస్థానంలో కొనసాగుతోంది.

39 total views, 1 views today