ఆన్‌లైన్‌లో పందెం కోళ్లు

పందెం రాయుళ్లకు శుభవార్త. సంక్రాతి సందర్భంగా పందెం కోనేందుకు పరుగులు తీయాల్సిన పని లేదు. పందెం కోళ్లు కూడా ఇప్పుడు ఆన్ లైన్ లభిస్తున్నాయి. ఆన్ లైన్ నుంచి నేరుగా బరిలో దిగిందుకు కోళ్లు కాలుదువ్వుతున్నాయి. భారీ డిమాండ్ నేపథ్యంలో పందెం కోళ్లను అమ్మేందుకు పోర్టల్స్ అందుబాటులోకి వచ్చేశాయి. హోం డెలివరీ ఫెసిలిటీ కూడా అందుబాటులో వచ్చేసింంది. ఆన్‌ లైన్లో పందెం కోళ్లు వెయ్యి రూపాయల నుంచి లక్ష రూపాయల వరకు ధర పలుకుతున్నాయి. బరిలోకి దిగే కోళ్లల్లో నెమలి, డేగ, కనెమలి, పర్ల, చవల, సేతువ, కొక్కిరాయి, పచ్చకాకి, రసంగి, కౌజు, మైల వంటివి ఆన్ లైన్ లో లభిస్తున్నాయి. ఈ జాతికి చెందిన కోళ్లు బరిలోకి దిగితే గెలుపు ఖాయం అవడంతో రేట్ ఎక్కువైన సరే కొనేందుకు పందెం రాయళ్లు వెనకాడడం లేదు. డబ్బున్న దొరబాబులు అయితే ఈ కోళ్లను ఆన్ లైన్ లో కొనుగోలు చేసి సెల్ఫీలు కూడా పెట్టేస్తున్నారు.

కొంత మంది కోళ్లపై పందెం కట్టి సొమ్ము చేసుకుంటుంటే మరికొంత మంది కోళ్లను అమ్ముతూ మరికొంత మంది సోమ్ము చేసుకుంటున్నారు. కాకపోతే ఇప్పుడు రోజులు మారిపోయాయి … అమ్మకం దారులు, కొనుగోలు దారులు సరికొత్త టెక్నాలజీని ఉపయోగిస్తున్నారు. సోషల్ మీడియాను ఆన్ లైన్ బిజినెస్ ఉపయోగిస్తున్నారు. ఫేస్ బుక్, వాట్స్ యాప్, ట్విట్టర్ లాంటి సోషల్ మీడియాను ఉపయోగించుకుని కోళ్లను అమ్ముతున్నారు. సోషల్ సైట్లలో కోడి ఫోటోను పోస్ట్ చేసి… దాని జాతిని, రేట్ ను ఆన్ లైన్ లో ఫిక్స్ చేస్తున్నారు. ఈ విధానంతో బిజినెస్ ఈజీ అయిపోయింది.

సంక్రాంతి దగ్గర పడుతుండడంతో పట్టణాలు, నగరాలు మెళ్లిగా ఖాళీ అవుతున్నాయి. గ్రామాల్లో పందెం కోళ్ల హడావిడి కూడా ఇదే తీరులో పెరుగుతోంది. ఎప్పుడెప్పుడు బరిలోకి దిగుదామా అని పందెం కోళ్లు ఎదురుచూస్తుంటే భారీ స్థాయిలో డబ్బులు కాసేందుకు జూదం రాయుళ్లు సిద్ధం అవుతున్నారు.

115 total views, 1 views today